ماتخلى حد يسطرلك حياتك

اختار الحاجة الى تحبها… كل يوم تفيق على نفس الريتم، على نفس الغناية كيما تقول جداتي. كل يوم إذا كنت تقرا و الا تخدم و الا الزوز كي حالتي, نفيق الستة، نفطر ، نلبس و نمشي نجري باش نخلط على الكار الصفراء و المترو الأخضر. ساعات من كثر الزحمة و اللز و الدز تغمض عينيك باش تنسى اللحظة و تقول ربي يصبرني على هالعيشة الكلبة، إمتى نوصل و نرتاح و نخدم على روحي؟ كل يوم تشوف فى نفس الوجوه و تعاود فى نفس السيناريو. و إنت كاره كل لحظة تعديها فى حاجه مش عاشقها,  لكن الدنيا و الناس خلوك تتلز على القراية إلي تكركر فيها و الخدمة إلي ماكش علمل منها راس مال جيست خاطرها تكملك فى مصروفك. كي كنت صغير الناس الكل منهم أهلك يبدوا يزنولك في وذنك أقرا على روحك باش تولى مهندس و الا طبيب…أقرا باش يولى عندك فلوس..و تكبر إنت بين الكتب و تنسى روحك إلي إنت إنسان و عندك حقوق على روحك و من حقك تختار القراية و العيشة و الغرام إلي تحبو. تفيق تلقى العمر بيك جرا و تقول أنا وين سي علاء؟ أنا وين من إلي نحبو؟ تسأل روحك يا ترى أنا نعمل فى الحاجة إلي نحبها؟ جاء الوقت إلي لازمك فيه تختار الثنية إلي تسعدك, ما فاتك شىء. اخرج و أبحث على غرامك الدنيا مهياش ديبلوم. حدّد… قرّر…لوج…إخدم…باش توصل إلى الحاجة إلي تحبها. هي كرتوشة وحدة, سكر باب و حل شبابك يطلّوا على أحلامك. على خاطر حلمتك إجري و إنت فرحان أنك تبّع في حكاية تحبها. الحلمة إلي تخليك فايق للفجاري إلي طيرك مالفرحة وسط الزحمة. دق عالباب باش يجيك الجواب. اختار الحاجه إلي تحبها باش كى تنجح و تجى نهار تحكي عل قصة نجاحك تقول “آمنت و تعبت …تمرمدت و دفعت ..و فى الأخير وصلت و كلّ شئ ما مشاش خسارة”

love.jpg

 

Do What You Love

 

Creativeناس Team Writer

21616147_1931214463761469_8153868041267053131_n

Wafa Khader is a student of English Agregation at the faculty of Manouba. She has been living in Tunis for three years, but is originally from the South of Tunisia. Wafa has participated in many writing trainings with the EDX organization and Yala Journalism program, and can’t wait to learn more with the AC & IIDebate Magazine. She identifies as a book Geek, eating up any book on hand, and is always open to new opportunities- especially when they are for a good cause.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s